Дземідзенка Ігар Міхайлавіч

Нарадзіўся 18 жніўня 1967 г. у г. Бабруйску Магілёўскай вобласці. У 1988 годзе скончыў Палтаўскае вышэйшае зенітнае ракетнае вучылішча, у 2006 годзе – камандна-штабны факультэт установы адукацыі «Ваенная акадэмія Рэспублікі Беларусь» (з дыпломам з адзнакай і залатым медалём), у 2010 – дзяржаўную адукацыйную ўстанову вышэйшай прафесійнай адукацыі «Ваенная акадэмія Генеральнага штаба Узброеных Сіл Расійскай Федэрацыі».

У 1988 – 2012 гадах служыў на розных пасадах ва Узброеных Сілах СССР і Рэспублікі Беларусь. У 2012 – 2014 гадах – камандуючы войскамі аператыўна-тактычнага камандавання Ваенна-паветраных сіл і войскаў супрацьпаветранай абароны Узброеных Сіл Рэспублікі Беларусь. Са снежня 2014 года займаў пасаду начальніка галоўнай ваеннай інспекцыі Узброеных Сіл Рэспублікі Беларусь.

Жанаты. Мае дачку і сына.

Указам Прэзідэнта Рэспублікі Беларусь ад 21 снежня 2016 г. 2018 г. № 473 прызначаны першым намеснікам Старшыні Дзяржаўнага ваенна-прамысловага камітэта Рэспублікі Беларусь.